Угостителските објекти во Куманово ќе добијат тридневно продолжување на работното време од два часа за периодот од 8ми до 11ти ноември кога ќе се одбележува 500-годишнината од постоењето на градот.
Ваква одлука денеска едногласно донесоа сите членови на Советот на Општина Куманово, а како што појасни секретарот на општината Десанка Стошевска, тоа го дозвоува законот и е пракса која локалната самоуправа ја има во текот на сите изминати години по повод овој празник.
– Согласно законот за угостителска дејност, член 23, последниот став вели дека Советот на општината, односно градот Скопје за одредени туристички, културни и други манифестации можат да го продолжат работното време најмногу за два часа, но во времетраење до три дена. Со оглед на тоа дека во текот на ноември, 11ти ноември е нашиот празник Денот на градот, а претходните денови согласно програмата за културни манифестации, ќе имаме културни манфиестации на градскиот плоштад, има потреба, а законот дозолува три дена по два часа да се породолжи работновто време на угостителските објекти, ова и претходните години сме го правеле со одлуки на Советот, па мислам дека и сега Советот треба да донесе ваква одлука, појасни Стошевска.
Инаку, на градскиот плоштад почнувајќи од 8ми ноември ќе започнат вечерните концерти со кои ќе кулминира прославата за 500-годишниот јубилеј.
Неофицијално на 8ми ноември ќе настапат Кирил Џајковски и диото „Cyrillic“, следниот ден „Некст тајм“ и Џенан Лончаревиќ, а на 10ти ќе следува концертот на Лепа Брена. Пред нивните настапи ќе има и низа локални бендови, а целата прослава ќе биде платена од бизнис заедницата во градот.