Отсекот за превенција при СВР Куманово денеска ја организираше редовната крводарителска.
Во просторитие на кумановската полиција заедно со Институтот за трансфузиона медицина од Скопје и Општинската организација на Црвениот Крст Куманово беше спроведена акцијата на која полициските службеници на дело ја покажаа својата хуманост.
Loading...
Акцијата утринава започна во 9 часот, кога беа дарувани околу 30тина крвни единици, но според очекувањата од надлежните до 15 часот биле соберени околу 60-тина.
– Заеднички во соработка имаме дарување на крвни единици во просториите на СВР Куманово. Досега имаме околу триесетина крвни единици соберено што е некој задоволителен просек. Инаку очекуваме во текот на денот од 60 до 70 крвни единици, тоа е просекот на СВР Куманово. Досега веќе една крводарителска акција е спроведена, ова е втора, и уште една останува до крајот на годината некаде во средината на месец октомври, изјави Марјан Павличек од Отсекот за превенција.
Не сме тука само за да пишуваме казни, знаеме да бидеме и хумани се пошегуваа полициските службеници кои досега имаат повеќе дарувања во рамките на акциите кои се организираат во кумановската полициска станица.
– На сите акции кои се во СВР Куманово, дарував крв. Пред се ова е хумана страна, затоа дарувам крв, може некому да му треба затоа, вели еден од денешните крводарители.
– Од 1994. Година давам крв, ова е хумана работа, колку можеме да им помогнеме на другите. Добри се овие акции кои ги организира СВР Куманово, бидејќи нам самите не ни текнува или немаме време да одиме сами да дадеме крв. Пред се добро се чуствуваме кога мислиме дека некому кога му е потребно можеме да му помогнеме, вели еден полициски службеник кој денеска по 40ти пат е во улога на крводарител.
– Покрај хумануиот гест, ова е и од медицинско значење за нас крводарителите, така што предлагам секој млад кој има можност, кој е здрав да дарува, да ја поддржи акцијата и ќе види и самиот дека организмот ќе му биде подобар, вели полицискиот службеник кој денеска дарува по 29 пат.
Loading...
Од Институтот за трансфузиона медицина акцијата ја опишаа како успешна.
Инаку ова е втора крводарителска акција, а следната се очекува да биде спроведена на есен согласно меморандумот за соработка помеѓу МВР и Институтот.