Куманово од денеска ќе има сувенирница, место каде граѓаните, но и туристите ќе можат да купат специфични производи поврзани со градот.
Сувенирницата има голем број производи од локални занаетчии и се наоѓа во Занаетчискиот дом, објект кој го изградиле токму занаетчиите.
Претседателот на Занаетчиската комора Агрон Фазлиу вели дека ова е само еден чекор кој треба да биде мотивација вакви објекти да се отворат низ целата држава.
– Успеавме со градоначалникот Максим Димитриевски да го реализираме тоа, мислам дека секое наше барање влијаеше и во националните институции, затоа гордо стојам пред вас и ова е наш пример како што беа субвенционирањето на старите занаети ќе го прикажеме на национално ниво и ќе отвараме во секој град со занаетчиските регионални комори, вакви сувенирници. На нас ни е потребно да ја чуваме културата и традицијата затоа што старите занаети не само што покажуваат одредена култура и традиција, туку ни го чуваат и индентитетот, изјави Фазлиу.
Градоначалникот Максим Димитриевски истакна дека општината ќе продолжи да дава финансиска поддршка со цел зачувување на занаетите во градот.
– Дававме финансиска помош и ќе продолжиме да ја даваме, можеби таа е симболична, но многу значи и со оваа денешно отварање на првата сувенирница во градот ќе се задржи традицијата и културата, но и граѓаните и гостите во Куманово ќе имаат каде да купат автентичен производ и сувенир во нашиот град и со тоа и нашата култура и традиција да се шири пошироко од вие простори, изјави тој.
Градоначалникот вели дека преку ЗЕЛС е иницира дискусија за измена на законските регулативи со цел да се одвојува повеќе помош за занаетчиите.
– Сметаме дека тие се основната нишка и развој на стопанството во државата. Современата индустријализација води во друга насока, но сепак без занаетчиството не би постоела истата и уште еднаш посакувам среќа и успех на оваа локација, Занаетчиски дом Куманово. Нашите занаетчии ќе добијат нова сувенирница таму кај што им е место, бидејќи овој објект иако е сопственост на Општина Куманово е изграден на иницијатива и финансиска поддршка на занаетчиите за нашата општина, додаде тој.
На настанот присуствуваше и заменик министерот за економија Марјан Ристески, вели дека овие занаети значат многу за градовите и општините, но и за развојот на туризмот.
– Оваа година имаме издвоено 6 и пол милиони денари за помош на занаетите и занаетчиите во Македонија и поддршка од 130 илјади евра на занаетчиските комори, на разни невладини организации, се она што е поврзано со промоција на занаетите, малите и средни претпријатија. Оваа поддршка ќе продолжи и понатаму, имаме многу дефицитарни кадри, во соработка иа со МОН да продуцираме и едуцираме што повеќе од овие дефицитарни кадри за да можеме не само да опстојат занаетите, туку се и еден од важните фактори за развојот на економијата на Македонија, изјави земеник министерот.
Инаку освен отворањето на сувенирницата, денеска во Куманово беше отворен и саем на мало стопанство на кој учествуваа повеќе компании и занаетчии од градот.
Никола Ивановски