По шест месеци пауза, кумановскиот музички артист Аиман Аневски се враќа на сцената со нова песна насловена „Махала“.
Ја најавува како симболичен почеток на неговото повторно активирање и враќање на локалната музичка сцена.
Текстот е авторско дело на Аиман, а за аранжманот, миксот и мастерингот се погрижи Давид Ивановски.
Продукцијата е изработена од prodbym6, додека видеото е снимено и монтирано од Филип Мандевски – FM17.
Видеото е реализирано со VHS камера, со што авторот свесно внесува естетика инспирирана од 90-тите години, со цел да се долови специфичен визуелен и емотивен момент.
„Ова е моја нова трака по шест месеци пауза, со која најавувам еден вид враќање на мојата музика и повторно поврзување со кумановската сцена“, вели Аиман.
Песната можете да ја слушнете во продолжение: