Четириесет и осумгодишен кумановец бил измамен за сума од 43,750 евра за која се обидел да купи криптовалути.
– На 26.02.2026 во 20:00 часот во СВР Велес, 48-годишен кумановец пријави дека бил измамен за сума од 43.750 евра, информираат од Министерството за внатрешни работи.
Според пријавеното, тој на социјална мрежа објавил оглас за откупување на крипто валута, а подоцна преку друга социјална мрежа контактирал со лице со кое се договориле во крипто менувачница во Велес да ги уплати парите, а за возврат да му се исплатат крипто средства.
– Пријавителот ги предал парите на лице вработено во менувачницата во Велес и му било кажано дека истите се испратени на наведената адреса, но тој на својата адреса не ги примил крипто средствата, појаснуваат од МВР.
Лицето со кое контактирал го избришало разговорот од социјалната мрежа и ги блокирал неговиот број и бројот на менувачницата, по што кумановецот сфатил дека бил измамен.
– Известен бил јавен обвинител и се преземаат мерки за целосно расчистување на настанот, стои во соопштението.
Никола Ивановски