Комунистичката влада на Куба објави дека ќе ослободи 2.010 затвореници „во хуманитарен и суверен гест“ додека преговара со администрацијата на американскиот претседател Доналд Трамп.
Ова е втор пат оваа година оваа земја да донесе одлука за амнестија, додека разговорите со Соединетите Американски Држави се во тек, објави Ројтерс.
„Волстрит џурнал“ наведува дека ослободувањето на затворениците, во пресрет на католичкиот Велигден, дошло откако папата XIV изразил загриженост за влошувањето на условите во Куба, каде што недостигот на гориво довел до сè почести и подолги прекини на електричната енергија, и побарал од САД и Куба да ги решат разликите во нивните ставови преку дијалог.
Владата одлучила да ги помилува затворениците врз основа на нивното соодветно однесување, здравствена состојба и природата на „извршените дела“, според „Гранма“, официјалниот весник на владејачката Комунистичка партија.
Како што се додава, меѓу затворениците има млади луѓе, жени, луѓе над 60 години и странци.
На списокот не се вклучени затвореници кои извршиле кривични дела како што се убиство, сексуален напад или „криминални дела против владата“, според Си-Ен-Ен.