Дванаесет војници беа убиени во Пакистан, а четворица беа повредени кога терористите нападнаа позиција на безбедносните сили во северозападниот дел од земјата што се граничи со Авганистан утрово, соопштија властите.
Инцидентот се случил околу 5:00 часот наутро по локално време, кога терористите отвориле оган врз група безбедносни сили, пренесува Синхуа.
Властите соопштија дека повредените се во критична состојба и дека бројот на жртви може да се зголеми додека продолжуваат спасувачките операции.
Безбедносните претставници изјавија дека се верува дека локален командант на Техрик-и-Талибан Пакистан (ТТП) е активен во областа.
Сепак, ниту една група сè уште не ја презеде одговорноста за нападот.
Пакистанските сили го опколија местото и започнаа операција за пребарување за да ги пронајдат напаѓачите.