Во рамките на „специјалната воена операција на руската армија“, Крим и Донбас се поврзани со копнен коридор, изјави постојаниот претставник на Крим кај претседателот на Русија и вицепремиер на владата на Крим, Георги Мурадов.
– Крим и Донбас сега се поврзани со копнен коридор на територијата на Украина. Автопатот од Крим до Мариупол е ставен под контрола – рече тој, пренесува Спутник.
Според него, „веќе треба да размислуваме за соработка при транспортот на товар преку клучните пристаништа на Крим и Азовското Море – Мариупол и Берџанска“.
– Тоа е клучот за развојот на целиот регион – нагласи Мурадов.