Кремљ денес објави дека одлуката на западните земји да интервенираат во Украина го направила тој конфликт многу поширока конфронтација.
Зборувајќи точно четири години откако десетици илјади руски војници влегоа во Украина по наредба на претседателот Владимир Путин, портпаролот на Кремљ, Дмитриј Песков, рече дека борбите продолжуваат, но дека Москва останува отворена за постигнување на своите цели преку политички и дипломатски средства, пренесува ХИНА.
„По директната интервенција на западноевропските земји и САД во овој конфликт, специјалната воена операција де факто се претвори во многу поширока конфронтација меѓу Русија и западните земји, која имаше за цел и сè уште има уништување на нашата земја“, рече портпаролот на Кремљ.
На прашањето дали Москва верува дека конфликтот може да се реши преку преговори, Песков одговори:
„Ние продолжуваме со нашите напори за постигнување мир, а нашата позиција е многу јасна и непоколеблива. Сега сè зависи од постапките на режимот во Киев“.
Песков додаде дека не може да каже кога и каде ќе се одржи следната рунда преговори меѓу Москва и Киев, бидејќи договорот за ова сè уште не е финализиран.
„Искрено се надеваме дека оваа работа ќе продолжи“, заклучи тој.