Кремљ соопшти дека е збунет од одлуката на САД да воведат санкции за постарите ќерки на Владимир Путин, опишувајќи го потегот како дел од пошироката западна хистерија против Русија.
Новите санкции на САД против Москва поради руската интервенција во Украина вчера беа насочени кон руските банки и елити, вклучително и ќерките на Путин, Кетрин и Марија, за кои американските власти веруваат дека го кријат богатството на својот татко.
Украина објави разговори: Русите се жалат дека се совладани и дека мора да пукаат во цивили
„Се разбира, ние веруваме дека овие санкции сами по себе се продолжување на апсолутно налудничавиот став за воведување ограничувања“, изјави за новинарите портпаролот на Кремљ, Дмитриј Песков.
„Во секој случај, сегашното воведување ограничувања за членовите на семејството говори само по себе.
„Не можам да разберам зошто се санкционирани ќерките на Путин“
Песков рече дека Кремљ не може да разбере зошто се мета на ќерките на Путин.
Украина објави разговори: Русите се жалат дека се совладани и дека мора да пукаат во цивили
„Ова е нешто што е тешко да се разбере и опише“, рече тој. „За жал, мораме да се справиме со такви противници.
Ќерката на Путин, Катерина Тихонова, е извршен директор во областа на технологијата и е тесно поврзана со руската влада и одбранбената индустрија, според деталите наведени во пакетот американски санкции.
Неговата втора ќерка, Марија Воронцова, ги води владините програми во областа на генетските истражувања кои добиле милијарди долари од Кремљ и се лично следени од Путин, соопштија САД.
Путин го чува својот приватен живот подалеку од јавноста
Путин отсекогаш го држел својот приватен живот подалеку од јавноста. Кремљ често отфрла прашања за него и неговото семејство, наведувајќи го правото на приватност.
ЕУ целосно го прекинува увозот на руски јаглен од средината на август
Русија испрати десетици илјади војници во Украина на 24 февруари во, како што ја нарекува, „специјална воена операција“ за демилитаризација на земјата и искоренување на, како што ги нарекува, „опасни националисти“.
Украинските сили силно се спротивставија на тоа, а Западот воведе опсежни санкции кон Русија со надеж дека ќе ја принуди да се повлече.