Истражувањето на Националната лабораторија на САД за потеклото на коронавирусот покажало дека хипотезата дека вирусот протекол од кинеската лабораторија во Вухан е можна и заслужува понатамошна истрага, објави „Волстрит журнал“ повикувајќи се на извори запознати со содржината на тој таен документ.
Истражувањето го спроведе Националната лабораторија Лоренс Ливермор во Калифорнија во мај минатата година, а резултатите му беа испратени на Стејт департментот на САД, кој спроведе истрага за потеклото на коронавирусот за време на последните месеци од владеењето на поранешниот претседател Доналд Трамп .
Заклучокот на американската лабораторија се заснова на анализа на геномот на вирусот, пренесува весникот.
Сепак, лабораторијата одби да ги коментира наводите на „Волстрит журнал“.
Американските разузнавачки агенции сметаат дека се можни две сценарија – дека вирусот се проширил по лабораториска несреќа или е предизвикан од човечки контакт со заразено животно, но сè уште не се донесени заклучоци.
Во доверливиот извештај на американското разузнавање, кој беше циркулиран за време на администрацијата на Трамп, се вели дека тројца истражувачи од кинескиот институт за вирусологија во Вухан во ноември 2019 година биле толку болни што биле хоспитализирани.
САД ја обвинија Кина дека не е доволно транспарентна кога станува збор за истражување на потеклото на коронавирусот, но Кина ги негираше обвинувањата.
Трамп побара отштета од Кина
Поранешниот американски претседател Доналд Трамп бара 10.000 милијарди долари исплата од Кина за нивната улога во пандемијата на коронавирусот и го повикува имунологот д-р Ентони Фаучи да објасни точно колку информации знае за сработеното во Институтот за вирусологија во Вухан.
Во својата изјава, Трамп го исмејуваше својот научен советник за пандемија, тврдејќи дека спасил стотици илјади животи, спротивставувајќи се на упатствата на Фаучи за сè, од затворање на границите, развој на вакцини и носење маски, пренесува „Јутарњи“.
„Сега сите, дури и таканаречените „непријатели“, ќе почнат да кажуваат дека претседателот Трамп бил во право во врска со кинескиот вирус што доаѓа од лабораторијата во Вухан“, додаде тој.
„Преписката меѓу Фаучи и Кина зборува премногу гласно за секој да може да го игнорира. Кина треба да плати 10 трилиони долари на Америка и светот за смртта и уништувањето што тие го предизвикаа“, рече Трамп, осврнувајќи се на повеќе од 3.000 страници на приватните електронски пораки на Фаучи од јануари до јуни 2020 година што ги добиле Вашингтон пост, Си-ен-ен и Баз фид њуз.
Републиканците тврдат дека е-поштата докажува дека Фаучи знаел дека лабораторијата во Вухан спроведува експерименти со генетски модифицирани вируси на корона.
Тие исто така покажуваат како тој бил предупреден за можноста за „бегство“ на вирусот од лабораторијата, додека тој постојано инсистирал на тоа дека пандемијата избувнала природно, со пренесување од животно на човек.
Д-р Ли Менг Јанг, кој беше меѓу првите луѓе што зборуваа за теоријата на вирусот избеган од лабораторијата, по објавувањето на е-поштата на Фаучи, рече дека Ковид-19 е неограничено биооружје и дека кинеската влада и одредени странски организации , како и некои научници, тие прикриваат сè.
Во интервју за „Њузмакс“ во средата вечерта, Ли Менг Јанг рече дека Фаучи знаел за кинеското истражување дури и пред пандемијата. Таа конкретно се осврна на е-поштата од 1 февруари 2020 година.
Д-р Хју Оинклос испратил е-пошта до Фаучи во која се вели дека експериментите биле извршени, но оттогаш сè е разгледано и одобрено од Националниот институт за здравство (НИХ).
Наводите на д-р Ли Менг Јан досега се сериозно проучувани од водечки научници и тие ги критикуваа велејќи дека се длабоко погрешни.