Љубител на „Гугл мапс“, односно откривање на привлечностите што ги крие нашата планета, откри мистериозен „леден брод“ долг дури 122 метри, на 160 километри од брегот на Антарктикот.
Која е целта на ледениот брод на Антарктикот
Веднаш на својот канал на Јутуб ја објави веста за мистериозното откритие.
Видеото првично прикажува големо парче мраз, кое се издига над белиот пејзаж, а кога во еден момент се вклучува 3Д прегледот, насипот добива форма на брод со низа прозорци, неколку палуби и оџаци.
Некои луѓе всушност веруваат дека овој „брод“ служел за транспорт на елитата во случај на глобална катастрофа, односно ако славните и богатите исчезнат, „ќе знаеме каде да бараме“.
Од друга страна, се верува дека во него се кријат скапоцености, додека некои тврдат дека станува збор за тајна нацистичка база.
– Изминатите 10 години се запознав со нашата планета. Снимам сè што ќе забележам дека е интересно – од длабочините на морето до вселената. Оваа сцена е едноставно неверојатна! – рече креаторот на снимката.