Аби Данцмјур и нејзиниот партнер штедат за да купат куќа, а на ТикТок открила одлични трикови кои им помогнале да издвојат дури 23.000 евра „на страна“ за 10 месеци!
– Еве неколку совети кои ни помогнаа во изминатите десет месеци – вели таа во видеото што го објавила на TикТок, но додава: „Можеби не им помогна на сите, но нам ни помогна“.
Одделни штедни сметки
Нејзин совет е да имате посебна штедна книшка, за секогаш да знаете што имате на располагање.
– Последното нешто што сакате е сите пари да ви бидат на иста сметка. Лесно е да се направи посебна сметка, а на тој начин помалку ќе бидете во искушение да трошите – тврди Аби.
Сфатете ги парите како работно време
Наместо да размислувате за вкупната цена на нешто, размислете колку часови би биле потребни за да го заработите.
– На пример, ако една торба чини 80 евра, а ви требаат, да речеме, осум часа за да заработите толку пари, дали навистина сакате да ги потрошите тие 80 евра за кои сте работеле осум часа? – вели Аби, додавајќи дека „не би станала во шест наутро и цела смена да ја работи за чанта. Има подобри начини за трошење пари“.
Секогаш поставувајте си го ова прашање
Пред да купите нешто, запрашајте се дали ви треба или само сакате да го купите.
– Има разлика помеѓу желба и потреба, најди ја таа разлика.
Аби признава дека порано купувала импулсивно, но сега кога ја знае разликата „животот е многу подобар“.
Списоците се ваши пријатели
– Списоците се вашиот најдобар пријател. Седнете и одредете буџет, а потоа видете што реално можете да заштедите секој месец.
Не гледај на брендови
Аби тврди дека нема разлика помеѓу храна или производи за чистење произведени од познати брендови и оние на помалку познати производители.
– Понекогаш можеш да ја забележиш разликата, но во девет од десет пати нема, и ќе заштедиш пари.
Престанете да купувате кафе
Не мора да престанете да пиете кафе, но доколку сакате да заштедите, Аби ве советува да престанете да купувате готово кафе, т.е. онаа за одземање или за излегување во кафулиња.
Избегнувајте готови оброци
Нејзиниот совет е целата храна што ја јадете да ја подготвите сами – за да нема нарачување готова храна или јадење во ресторани.
„Тоа е непотребно трошење пари“, вели Аби.
Купувајте евтино
– На мојот сопруг му купив користена опрема за вежбање за 140 фунти, а нова чини повеќе од 600. Истражувајте, купувајте користено кога можете.
Плаќајте во готово
Доколку со себе понесете одредена сума пари што ви е потребна за да купите нешто, ќе избегнете импулсивно да купувате нешто друго, што лесно се случува кога плаќате со картичка.
Фокусирајте се на целта
Аби вели дека често се потсетувате зошто сте почнале да штедите и дека тоа останува вашиот фокус додека штедите. Ќе ве мотивира и нема да се чувствувате лошо што не трошите на некои други, помалку неопходни работи.
@abbydunsmureFor reference we have no car, debts we don’t drink or smoke☺️ part 2?💸✨ ##savingmoney ##savingmoneytips ##savingmoneytip ##savingforahouse ##buyingahouse
@abbydunsmureSaving Money, part 2💸 ##savingmoneytips ##savingmoney ##savingforahouse ##buyingahouse ##cash ##moneytips ##christmasbudget ##fyp ##foryou