Новоизбраниот Совет на општина Гевгелија попладнево ја одржа конститутивната седница на која беше верификуван мандатот на 19 членови од кои 10 од СДСМ и коалицијата, седум од ВМРО-ДПМНЕ и коалицијата и двајца незавини советници. На седницата за претседател на Советот со 10 гласови за и девет воздржани е избран Ташко Дојчинов, кој беше носител на советничката листа на СДСМ и коалицијата.
– Се надевам дека во наредните четири години сите ние ќе имаме успешна и плодна соработка како Совет на општина Гевгелија во интерес на сите граѓани. Истовремено, ќе настојуваме да ја оправдаме довербата од граѓаните и заеднички ќе одговориме на нашите обврски бидејќи тоа е единствениот начин да им излеземе во пресрет на граѓаните и да ги задоволиме нивните интереси, рече Дојчинов.
Советот на денешната седница ја конституира и Комисијата за избори и именувања за чиј претседател беше избран советникот Тодор Ристов.
Извор: МИА