Министерството за одбрана објави конкурс за 25 работни места во Армијата на Република Македонија. Се бараат лица со завршено најмалку додипломски студии, кои по завршувањето на стручното оспособување и усовршување т.н. офицерски курс во времетраење од шест месеци, веднаш ќе бидат произведени во чин поручник и ќе добијат постојано вработување во АРМ.
Се бара едно лице за интендандантска служба, едно лице за метеоролошка служба, девет лекари по општа медицина, 12 лица за техничка служба и тоа 7 дипломирани машински инжениери, 3 дипломирани електро инженери, 2 дипломирани инженери по информатичка технологија, како и две лица за финансиска служба.
На конкурсот можат да аплицираат лица не постари од 28 години кои ги исполнуваат останатите услови на објавениот повик за пријавување чиј краен рок е до 01.10.2016 година.