Заклучно 15:00 часот во општина Куманово како најголема единица на локалната самоуправа, според бројот на гласачи, своето право на глас го оствариле вкупно 22,10% од гласачите, односно 20.654 лица, покажуваат податоците на Државната изборна комисија.
Податоците се базираат на обработени 99,40 отсто од избирачките места, односно 155 места.
Споредено со излезноста во исто време со првиот круг, се бележи намалување бидејќи тогаш до 15:00 часот своето право на глас го оствариле 27,79% од гласачите.
Во споредба со вториот круг од локалните избори во 2021 е значително намалување. Тогаш гласале 29,60 одсто од гласачите до 15 часот.
Во Куманово денеска се гласа на 167 избирачки места, а право на глас имаат вкупно 94.041 полнолетни граѓани.
Никола Ивановски