Лекарите препорачуваат најмалку 150 минути физичка активност со умерен интензитет во текот на неделата, а доколку одлучите да направите нешто добро за вашето здравје и да започнете редовно да одите, еве колку калории можете да согорите, во зависност од вашата тежина и брзината на пешачењето:
Ако тежите помеѓу 55 и 64 килограми
Одење со умерено темпо (околу 4,5 км на час)
15 минути: 50 калории
30 минути: 100 калории
60 минути: 200 калории
Голема брзина (приближно 7 км на час)
15 минути: 95 калории
30 минути: 185 калории
60 минути: 370 калории
Одење по угорница (5,5 км на час)
15 минути: 90 калории
30 минути: 180 калории
60 минути: 355 калории
Ако тежите помеѓу 64 и 73 фунти
Одење со умерено темпо (околу 4,5 км на час)
15 минути: 60 калории
30 минути: 112 калории
60 минути: 225 калории
Голема брзина (приближно 7 км на час)
15 минути: 100 калории
30 минути: 214 калории
60 минути: 430 калории
Одење по угорница (5,5 км на час)
15 минути: 102 калории
30 минути: 204 калории
60 минути: 408 калории
Ако тежите помеѓу 73 и 82 килограми
Одење со умерено темпо (околу 4,5 км на час)
15 минути: 65 калории
30 минути: 127 калории
60 минути: 255 калории
Голема брзина (приближно 7 км на час)
15 минути: 120 калории
30 минути: 245 калории
60 минути: 485 калории
Одење по угорница (5,5 км на час)
15 минути: 115 калории
30 минути: 230 калории
60 минути: 465 калории
Како можете да го направите одењето поефикасно?
Додадете малку „на тежина”
Ставете тегови околу глуждот и околу зглобовите и ќе го забрзате согорувањето на калориите, а малку ќе стекнете и на дефиницијата за мускулите по одредено време.
Променете го темпото и наклонот
Ако ви е досадно, обидете се да шетате во интервали, така што периодите на брзо одење ќе се менуваат со бавно темпо, или пронајдете убава нагорнина и прошетката по таа рута нека стане вашата рутина. Ако нема нагорнина – искачете неколку катови пеш, со побрзо темпо, пред да завршите со вежбање и да се упатите дома.
Натпреварувајте се со самите себе
Ако немате бројач за чекори, преземете една од апликациите за таа цел и обидете се да направите 1.000 чекори повеќе од претходниот ден. Ако сте во лоша форма, нека бидат 500 дополнителни чекори секој ден, а наскоро ќе забележите како ја „продолжувате“ трасата, без притоа да ја почувствувате!
Кога малку ќе „влезете во финтата“ и ќе почувствувате дека имате сè повеќе енергија, повремено можете да ставите неколку минути чучњеви на прошетката, на пример, на секои пет минути пешачење. Сè што е важно е да се движите. И не се откажувајте!