Македонија го има 43иот најдобар пасош во светот според глобалната листа на пасоши за 2023, изготвена од „Хенли паспорт индекс“.
Тоа значи дека македонските граѓани со македонски пасош можат да патуваат без виза во 125 земји во светот.
Пред Македонија на 40. позиција е Тонга, па следуваат Никарагва и Тувалу, додека под Македонија веднаш доаѓа Црна Гора на 44то место.
Во споредба со лани тоа е за две позици подобар скор. Во 2022 година според Хенли паспорт индекс, Македонија имала 45ти најдобар пасош во светот.
Како е во регионот?
Од земјите во регионот најдобро рангирана е Грција која се наоѓа на високото седмо место. Нејзините граѓани без виза да патуваат во дури 185 држави.
Словенија е две позици подолу со безвизен режим од 183 држави во светот.
Подобра од Македонија е и Бугарија, која се наоѓа на 13то место и можност за безвизно патување во 176 држави, веднаш потоа следува Хрватска со безвизен режим од 175 земји.
И Србија е нешто подобра и се наоѓа на 34та позиција.
Полош пасош од македонскиот имаат граѓаните на Црна Гора, Босна и Херцеговина и Албанија.
Најлошо рангиран пасош во регионот е оној на Косово, кој се наоѓа на 94та позиција и нејзините граѓани можат да патуваат без виза во само 42 држави.
А како во светот?
По пет години Јапонија го изгуби статусот земја со најдобар пасош и таа круна ја презема Сингапур чии граѓани немаат потреба од виза во 192 држави.
Најлоши пасоши, односно рангирани на дното на листата, се Сирија, Ирак и Авганистан.
Никола Ивановски