Џорџ Ривс можеби не е првиот Супермен што ви паѓа на ум, но таа улога ја одбележа кариерата на актерот чија смрт остана мистерија и по повеќе од шест децении.
Ривс беше, всушност, првиот телевизиски Супермен и тој дебитираше во таа улога во 1952 година во серијата „Авантурите на Супермен“, која траеше шест сезони, сè до 1958 година.
Само една година по снимањето на серијата што го направи славен, Ривс беше пронајден мртов на кревет во неговиот дом во Калифорнија со рана од куршум во главата. Актерот наводно се самоубил во спалната соба, додека неговата свршеница Леонор Лемон правела забава со пријателите на приземјето во истата куќа.
Полицијата заклучила дека актерот си го одзел животот поради депресија, но неговото семејство и бројните обожаватели биле убедени дека станува збор за убиство, бидејќи немало недостиг на осомничени или мотиви. Исто така, испукани се три куршуми, два во подот и еден во главата, што за многумина било сомнително.
Ривс почина само неколку дена пред тој да се ожени со својата свршеница, а двојката беше видена како се расправа во ресторан таа кобна вечер. После тоа, тие направиле забава со голем број гости во нивната куќа, што наводно го изнервирала Ривс, па тој ја напуштил забавата. Собраните луѓе истата вечер слушнале истрел од огнено оружје, а кога го пронашле телото на актерот, не повикале полиција веднаш од неразјаснети причини.
Мајката на Ривс започнала приватна истрага за смртта на нејзиниот син, при што беа откриени модринки на неговото тело и главата, кои не беа споменати во претходниот извештај за обдукцијата. Таа се сомневала дека виновник за смртта на нејзиниот син е неговата поранешна љубовница, забавувачката Тони Маникс, со кого имала врска кога веќе била мажена за Еди Маникс, шефот на МГМ.
Тој ја завршил аферата кога се сретнал со Лимон, а теоретичарите на заговор веруваат дека љубоморната забавувачка тогаш го убедила нејзиниот сопруг да го убие Ривс.
Други веруваат дека неговата свршеница го убила поради бројни скандали. Пријател на починатиот актер Фред Крејн еднаш раскажал како Лимон била на последниот кат од куќата за време на пукањето, каде што се наоѓала спалната соба во која бил пронајден мртов Ривс, по што таа истрчала по скалите извикувајќи панично: „ Кажете им дека бев долу! “
Филмот „Холивудленд“ со Бен Афлек во главната улога беше снимен за тој случај во 2006 година, во кој беа тестирани најпопуларните теории за мистериозната смрт на актерот, но случајот, ниту во филмот ниту во реалноста, никогаш не беше решен.
