Поранешниот американски претседател Бил Клинтон го критикуваше израелскиот премиер Бенјамин Нетанјаху, велејќи дека неговата долгорочна политичка цел е да предизвика војна со Иран, со цел да обезбеди долгорочен престој на власт.
Во интервјуто, Клинтон рече дека Нетанјаху со години бара можност да започне конфликт со Техеран, наведувајќи дека е присутен на политичката сцена со децении.
„Мислам дека војната со Иран му одговара затоа што на тој начин би можел да остане премиер засекогаш. Погледнете, тој веќе е таму речиси 20 години“, рече Клинтон.
Тој откри дека апелирал до сегашниот претседател Доналд Трамп да направи сè што е во негова моќ за да ги намали тензиите и да ги спречи цивилните жртви во тековниот израелско-ирански конфликт.
Клинтон додаде дека не верува дека ниту Нетанјаху ниту Трамп навистина сакаат целосна регионална војна, но ја нагласи потребата од водење одговорна политика што истовремено ќе ги заштити сојузниците на САД, но и ќе избегне цивилни жртви и неиспровоцирани конфликти.
„Мораме да застанеме покрај нашите партнери на Блискиот Исток, но решението не е во војни што никој официјално не ги објавува, а во кои најмногу страдаат невини луѓе кои само сакаат мирен живот“, заклучи Клинтон.
Во меѓувреме, претседателот Трамп објави дека ќе ја донесе конечната одлука за евентуално подлабоко американско вклучување во конфликтот во наредните недели.
Сепак, Соединетите Американски Држави му обезбедуваат логистичка поддршка на Израел од почетокот на конфликтот, што дополнително ја комплицира меѓународната ситуација.