Градоначалникот на Киев Виталиј Кличко денеска преку видео врска разговараше со повеќе градоначалници на европски градови.
„Денес му ја кажуваме вистината на светот за варварството и дивјаштвото што Русија ги прави уништувајќи ги Украина и Украинците. Им истакнав на нашите европски партнери дека не се бориме само за нашите градови и нашата земја. Ние се бориме за вредностите и принципите што Русија ги гази“, рече Кличко.
Пожари избувнаа во близина на Чернобил, се стравува од зголемена радијација
„Апетитите и плановите на Путин не се ограничени само на нашата земја, тој сака да се прошири и во другите европски земји. Европејците мора да го разберат тоа. Затоа денес зборуваме за потребата од зголемување на економскиот и политичкиот притисок врз Русија. Зборуваме за помош Украина – хуманитарна, воена и политичка. Можеме да го запреме агресорот само со заеднички, храбри напори на меѓународната заедница. Затоа што Русија му се заканува на целиот цивилизиран свет“, изјави градоначалникот на Киев.