САД се „најголемата закана за светскиот мир, стабилност и развој“, изјави денеска Кина, продолжувајќи ја својата остра реторика како одговор на американските обвинувања за кинеско шпионирање и заканите за меѓународниот поредок.
Коментарите на портпаролот на Министерството за надворешни работи, Жао Лиџијан, дојдоа еден ден откако шефот на ФБИ и шефот на домашната разузнавачка агенција на Велика Британија ги предупредија деловните лидери дека Пекинг е решен да им ја украде технологијата за конкурентна предност.
Засилениот тон доаѓа пред средбата меѓу американскиот државен секретар Антонио Блинкен и кинескиот министер за надворешни работи Ванг Ји во сабота на министерскиот самит на Г20 во Бали, Индонезија.
„Релевантен американски политичар злобно ја нападна Кина“, им рече Жао на новинарите на дневниот брифинг на прашањето за коментарите на директорот на ФБИ, Кристофер Вреј за кинеската економска шпионажа и хакерски операции.
„Фактите целосно докажаа дека САД се најголемата закана за светскиот мир, стабилност и развој“, рече Жао.
Тој го повика американскиот функционер да усвои правилна перспектива, да гледа на развојот на Кина на објективен и разумен начин и да престане да шири лаги и да престане да дава неодговорни забелешки.
Во седиштето на МИ5 во Лондон, Реј рече дека ја гледа „кинеската влада како најголема долгорочна економска и национална безбедносна закана“.