Кина е подготвена да ја започне својата најважна вселенска мисија досега, а целта е да донесе материјал од Месечината на Земјата.
Тоа ќе биде првпат по децении материјал од Месечината да биде испратен на нашата планета.
Ракетата „Чангжен 5“ беше поставена на лансирната рампа во вселенската база Венчанг, а нејзиното планирано лансирање на Месечината е закажано за почетокот на следната недела.
Ракетата ќе носи лунарен модул со дупчилка, што ќе направи дупка длабока околу два метри откако ќе слета на површината на природниот сателит на Земјата.
A Long March-5 #rocket at the #Wenchang Spacecraft Launch Site in #Hainan Province in south China. Currently China’s largest launch vehicle, it will send the Chang'e-5 probe on lunar sample collection mission in late November. #Chinaphotography #Change5 pic.twitter.com/Hd5T97dixr
— Beijing Review (@BeijingReview) November 18, 2020
Така, тие ќе соберат камења и други материјали, кои потоа ќе бидат испратени назад на Земјата.
Кинеските научници ќе имаат можност за прв пат да ги проучат ново собраните материјали од Месечината, откако Американците и Русите тоа го сторија во текот на 1960-тите и 1970-тите.
Оваа мисија е една од најамбициозните досега за НР Кина, чија вселенска програма продолжува да ја забрзува конкуренцијата.
Голем успех на Кинезите е секако фактот дека во 2003 година тие станаа само трета земја во светот што испрати човек во вселената, по Русија и САД.
Тие исто така забрзано работат на соработка со други земји во вселенските мисии, иако американскиот закон сепак ги спречува да соработуваат со агенцијата НАСА. Ова значи, во суштина, дека тие не можат да склучат партнерство со други земји на Меѓународната вселенска станица.
With its first-ever landing on the far side of the Moon last year, #China's Chang'e-4 lunar probe opened a new chapter of #lunar exploration. Next up is the Chang'e-5 mission, which is expected to launch this month. But before that, let's review China's lunar exploration program. pic.twitter.com/Nrz0OHwLR3
— T-House (@thouse_opinions) November 19, 2020