Кина ја поздравува најавената посета на американскиот државен секретар Ентони Блинкен, изјави портпаролот на кинеското Министерство за надворешни работи на редовниот брифинг со новинарите.
„Кина ја поздрави посетата на американскиот државен секретар Блинкен на нашата земја. Кина и САД сега се во комуникација за специјални аранжмани“, рече Ванг Вебин одговарајќи на прашање за извештаите на американските медиуми дека шефот на американската дипломатија треба да пристигне во Кина во февруари.
„Кина се надева дека САД ќе поддржат дијалог наместо конфронтација“
„Кина, исто така, се надева дека САД ќе усвојат правилен став за Кина, ќе поддржат дијалог наместо конфронтација, ќе изберат комбинација на двете страни, наместо да играат за добивката на едната и загубата на другата страна“, додаде Ванг.
Според „Политико“, Блинкен ќе се сретне со својот колега, министерот за надворешни работи Чин Ганг, на 5 и 6 февруари во Пекинг.