Кина утре ќе испрати вселенско летало со тројца астронаути и ќе го носи модулот до недовршената вселенска станица, каде што ќе живеат и работат во следните шест месеци, бидејќи изградбата влегува во последната фаза.
Ракетата „Long March-2F“ го носи авионот „Шенжу-14“ и утре ќе го напушти центарот за лансирање на сателити „Џиукан“.
Службеникот на кинеската агенција за вселенски истражувања Лин Сикијанг изјави дека во леталото ќе биде и командантот на мисијата Чен Донг заедно со Лиу Јанг и Каи Сује.
– Сите подготовки за лансирањето се направени, нагласи Сикијанг.
„Шенжу-14“ ќе биде трета од четирите мисии со екипаж и седма од вкупно 11 мисии неопходни за да се заврши изградбата на вселенската станица до крајот на годината.
Кина започна со работа на изградба на вселенска станица со три модули во април минатата година со лансирањето на „Тианхе“, првиот и најголемиот од трите модули.