Кина и Белорусија вчера започнаа заеднички воени вежби, објавија двете министерства за одбрана, на само неколку километри од границата со Полска, членката на НАТО и пред самитот на алијансата во Вашингтон оваа недела.
„Настаните што се случуваат во светот се алармантни, ситуацијата е неизвесна, затоа ќе практикуваме нови форми и методи за извршување на тактички задачи“, го цитира белоруското Министерство за одбрана, генерал-мајор Вадим Денисенко, началник на командата за специјални операции на Белорусија. во објава на Телеграм.
⚡️Belarus and China started joint anti-terrorist drills near the border with NATO
The drills are conducted at the Brestski training ground, which is located 2.8 km from the border with NATO and 28 km from Ukraine. It’s reported that during the drills, the servicemen of the… pic.twitter.com/fGbEYHP1ec
— Belarusian Hajun project (@Hajun_BY) July 8, 2024
Ќе трае до 19 јули
Вежбите под кодно име Фалкон напад ќе траат до 19 јули, а се одржуваат на полигон во близина на градот Брест, соопшти Министерството.
Брест, во југозападниот дел на Белорусија, лежи на границата со Полска.
Лидерите на 32 земји-членки на НАТО се состануваат во вторник во Вашингтон на самит на кој натамошната воена и финансиска поддршка за Украина ќе биде високо на агендата.
Белорусија ѝ дозволи на Русија да ја користи нејзината територија како едно од местата за лансирање на агресијата на Москва против Украина во 2022 година. Во рамките на „антитерористичките вежби“, воено оспособените во двете земји ќе вежбаат ноќно слетување, солвадување пречки и спроведување операции во населени места, се вели во соопштението на белоруското Министерство за одбрана.
Министерството објави и серија фотографии на Телеграм на кои се гледа како кинеските војници и опрема се симнуваат од авиони за време на викендот.
Не е познато колку војници се вклучени во вежбите.
🇧🇾🇨🇳 The opening of the joint anti-terrorism training of Belarus and China “Attacking Falcon” took place at the Brest training ground.
– MoD of Belarus https://t.co/h9hWl4Ix6m pic.twitter.com/v0WsUcHQ3y— OSINT Expert (@OsintExperts) July 8, 2024
„Величеста церемонија за добредојде“
Кинеското Министерство за одбрана објави во соопштение на англиски јазик дека Белорусија одржала „прекрасна церемонија за пречек“ на кинеските војници кои пристигнале во Белорусија на 6 јули.
„Заедничката обука има за цел да ги подобри координативните способности на единиците-учеснички и да ја продлабочи практичната соработка меѓу двете армии“, се вели во соопштението за печатот на Министерството објавено на неговата веб-страница.
Белоруското Министерство за одбрана објави дека големината на силите на НАТО на границата со Белорусија рапидно расте, што доведува до зголемени тензии во регионот.
Нашата земја ги презема сите можни мерки за да спречи ескалација, но доколку некој ги помине нашите граници, реакцијата ќе биде остра“, се вели во соопштението.