Кинеското Министерство за надворешни работи ги повика САД да престанат да ги поддржуваат Филипините во кршењето на суверенитетот на Кина, се вели во соопштението објавено на веб-страницата на Министерството, објави денеска China Media Group (CMG).
На 5 август, според ЦМГ, Филипините, игнорирајќи ги повторените предупредувања на Кина, испратиле два брода кои влегле во водите во непосредна близина на Женаи Џиао и се обиделе да испорачаат градежен материјал за поправка и зајакнување на заглавениот воен брод.
Американскиот Стејт департмент подоцна објави соопштение во кое ја критикува Кина за заглавување на филипинските бродови и укажува на поддршката на САД за „законските поморски операции“ на Филипините.
Кинеското Министерство за надворешни работи го изрази своето цврсто противење на најавата.
Портпаролот на Министерството истакна дека со соопштението на САД, игнорирајќи ги фактите, се напаѓаат легитимните и правни дејствија на Кина на море, насочени кон заштита на нејзините права и спроведување на законот.
Ветувајќи дека решително ќе ги штити територијалниот суверенитет, поморските права и интереси во согласност со законот, кинеското Министерство за надворешни работи во соопштение на 7 август ги повика САД да престанат да го користат прашањето на Јужното Кинеско Море за да создадат конфузија и раздор меѓу земјите во регионот.
Соединетите Американски Држави, исто така, се повикани да го почитуваат територијалниот суверенитет на Кина и поморските права и интереси во Јужното Кинеско Море, како и напорите на земјите од регионот за одржување на мирот и стабилноста во Јужното Кинеско Море, се додава во соопштението пренесено од CMG.