Кина во моментов е единствениот пријател кој може да и помогне на Русија да го ублажи влијанието на економските санкции поради инвазијата на Украина, но нема индикации дека е подготвена потенцијално да го жртвува својот влез на американскиот и европскиот пазар, пишува американската новинска агенција АП. .
Дури и ако Пекинг сака, можноста да му помогне на рускиот претседател Владимир Путин е ограничена.
Односите меѓу Пекинг и Москва се подобрија од 2012 година, кога Си Џинпинг дојде на власт.
Блиските односи се мотивирани од заедничката нетолеранција кон Вашингтон, но нивните интереси може да се судрат бидејќи Путин се грижи за растечкото економско присуство на Кина во Централна Азија и на Далечниот Исток на Русија.
Аналитичарите оценуваат дека односите меѓу Кина и Русија се на историски врв, но дека двете земји не се сојузници.
САД, Велика Британија и Европската унија воведоа санкции против претседателот Путин и рускиот министер за надворешни работи Сергеј Лавров поради воената инвазија на многу послабиот сосед на Украина.
Според АП, Кина би можела да го искористи овој момент во своја полза, но најверојатно нема отворено да се спротивстави на санкциите за да избегне казни.