Владејачката Работничка партија на Северна Кореја го реизбра Ким Џонг Ун за генерален секретар.
Севернокорејскиот лидер ја извршува оваа функција од 2021 година.
Ким Џонг Ун беше повторно избран за генерален секретар на Работничката партија на Северна Кореја за време на четвртиот ден од партискиот конгрес, објави државната новинска агенција на Северна Кореја KCNA.
На конгресот беа избрани и членови на централниот комитет на партијата и беа усвоени измени во партиските правила, објави KCNA, без да се дадат детали за промените.
На претходниот конгрес на Работничката партија во јануари 2021 година, Ким Џонг Ун, тогашен претседател, ја презеде највисоката функција генерален секретар од неговиот покоен татко Ким Џонг Ил, кој почина во декември 2011 година.
Ким Џонг-ил постхумно беше именуван за „вечен генерален секретар“ на владејачката партија во април 2012 година, додека новата највисока титула, претседател, му беше доделена на Ким Џонг-ун во мај 2016 година.
За време на конгресот во 2021 година, партијата ја врати титулата генерален секретар како своја највисока функција, заменувајќи го претседателот.