„Палата на Путин“, наводно оваа резиденција е направена за претседателот на Русија, Владимир Путин, во јужниот дел на земјата.
Долго време ниту една слика од оваа зграда не беше достапна за јавноста, а сега имаме можност да видиме како всушност изгледа. Се наоѓа во близина на Прасковек во Краснодар.
Истражувачкиот тим на Алексеј Навални, критичарот на Кремљ, кој моментално е во затвор, објави стотици фотографии од огромната вила на Црното Море, која наводно била изградена за рускиот претседател Владимир Путин.
Фотографиите кои се појавија се направени од воздух, а работата на руските опозициски активисти, кои сакале да го прикажат најголемиот дел од овој комплекс од неколку илјади квадратни метри, на имот од 67 хектари, со поглед на Црното Море, прекрасни градини, паркови, фонтани, базени, хелиодроми, спортски терени и мал комплекс наменет за персоналот кој го одржува целиот имот.
Истрагата за овој имот беше објавена во 2021 година и се заснова на анализа на официјални документи и неколку фотографии од внатрешноста на вилата.
Во оригиналното видео, тимот на Навални се потпирал на компјутерски генерирани прикази за тоа како изгледа вилата врз основа на дизајнерските планови што ги добиле, пишува Moscow Times.
Активистите тврдат дека, иако овој имот е регистриран како хотел во развој во јавните архиви, постојаното присуство на чувар од руските безбедносни служби, како и сомнителни траги од разни хартии поврзани со овој имот, го откриваат вистинскиот сопственик.
Во 2010 година, Сергеј Колешников, бизнисмен и поранешен помошник на Путин, објави отворено писмо до тогашниот руски претседател Дмитриј Медведев, во кое тврди дека палатата наводно била изградена со пари од државните фондови, како и средства од различни офшор банкарски сметки.
Наводните фотографии од оваа палата за време на нејзината изградба првпат се појавија на руската верзија на страницата Викиликс пред шест години.
Сега, фотографите кои ја искористиле можноста да го фотографираат, го претставија и неговиот класичен, луксузен ентериер, со позлатен декор и насликани тавани.
Колесников ја опишува оваа вила како модерна верзија на вилата на царот Петар Велики, а нејзината проценета вредност е повеќе од милијарда долари.
Како и кај повеќето парчиња мебел, првичните проценки на тимот за тоа како изгледа беа точни, бидејќи тие пребарувале на интернет модели на мебел според нивните имиња и сериски броеви и плаќале за пристап до каталозите.
Првичната истрага не покажа дека просторијата за базен била украсена со статуи инспирирани од Грците, меѓу кои е и главната статуа на Посејдон, грчкиот бог на морето.
Новиот спот на „Путиновата палата“ веќе неколку дена е најгледаното видео на руски Јутуб.
Речиси сите луксузни предмети во вилата се од странско производство, тврди истрагата.
Наводно многу парчиња мебел биле купени од италијански фирми. Новото видео е насловено „Златно лудило – првите слики од палатата на Путин“.
Сепак, не е сигурно дека оваа вила е навистина во сопственост на Путин или ова е само уште еден во низата обиди на опозицијата да го наруши неговиот кредибилитет.
Од Кремљ, официјални лица постојано ги демантираат гласините дека оваа вила е изградена за актуелниот претседател, кој речиси се најде на листата на десетте најомилени луѓе во целиот свет.