Милијардерот Илон Маск веднаш по преземањето на сопственоста на Твитер го распушти извршниот одбор, но одлучи и да отпушти 50 отсто од компанијата, односно 3.700 вработени.
– Што се однесува до намалувањето на работната сила на Твитер, за жал нема избор кога компанијата губи повеќе од четири милиони долари дневно. Сите што беа отпуштени добија отпремнини од три месеци, што е за 50 отсто повеќе од законската обврска – твитна на 5 ноември новиот сопственик на платформата.
Да потсетиме, милијардерот на „интересен“ начин ги информирал вработените за нивниот статус на платформата.
Имено, доколку сте биле меѓу среќните 50 отсто кои останале на Твитер, кој е продаден за 44 милијарди долари, сте добиле порака на официјалниот мејл, додека оние кои немале толку среќа биле известени за отказот преку приватен мејл.
Навистина суров начин, нели?
Тие денови беа вистинска агонија за вработените, а пред самата официјална порака, многумина твитнаа дека мислат дека веќе се отпуштени бидејќи изгубиле пристап до сметките на своите вработени.
Не само што поединците останаа без нивниот единствен приход, туку и автоматски мораа да се збогуваат со поволностите што ги нуди компанијата.
Имено, една девојка во април сподели со интернет светот како изгледа еден работен ден на Твитер.
Кога ќе го видите клипот, можеби ќе ви биде јасно за сите потези што Маск ги прави во моментов за да ја „спаси платформата“.
Имено, да потсетиме дека Маск забрани работа од дома и ги покани сите вработени да се вратат во компанијата, освен ако не дозволи некои да работат од далечина.
Еден ден на Твитер, судејќи по објавеното видео, изгледа вака:
Утрото е резервирано за милкшејк и состанок, а потоа следи ручек. Потоа имате соба на располагање за дружење, медитација, јога или, како оваа девојка, можете да одите на уште неколку состаноци.
Исто така, ви стои на располагање библиотека за понатамошен развој на работата, заедно со кафе од блиските машини како оние од кафулињата.
На крајот од денот можете да се наградите со вино додека одите на покривот и уживате во погледот од една од лежалките кои се поставени по целата должина.
Вчера американскиот милијардер испрати нова порака до работниците на Твитер, преку која им даде рок „денес“ да одлучат дали сакаат да останат во компанијата со „продолжено работно време и висок работен интензитет“, или да земат отпремнина во износот на тримесечните плати.