Јужноафриканската Република (ЈАР) објави дека во октомври ќе поднесе барање до Меѓународниот суд на правдата (МСП) за продолжување на тужбата со која се обвинува Израел за геноцид во Појасот Газа.
„Јужноафриканската Република има намера да обезбеди факти и докази кои ќе докажат дека Израел врши злосторство геноцид во Палестина. Овој случај ќе продолжи се додека судот не донесе заклучок. Додека случајот е во тек, се надеваме дека Израел ќе ги почитува привремените судски мерки издадени досега“, се вели во соопштението на Претседателството на ЈАР.
Соопштението доаѓа по медиумските извештаи дека на израелските дипломати им се наредува да лобираат членови на американскиот Конгрес за да извршат притисок врз Јужна Африка да се откаже од случајот, пишува Анадолија.
Јужна Африка соопшти дека нејзината тужба за геноцид против Израел е дел од растечките глобални напори за обезбедување мир на Блискиот Исток.
Неколку земји, како Турција, Никарагва, Палестина, Шпанија, Мексико, Либија и Колумбија, се приклучија на случајот, кој започна со јавни расправи во јануари во Хаг.
Јужноафриканската Република поднесе тужба против Тел Авив пред Хашкиот трибунал на крајот на 2023 година, обвинувајќи го Израел за геноцид во контекст на неговите напади кои се во тек во Појасот Газа од 7 октомври.
Во мај, МСП му нареди на Израел да ја запре офанзивата врз градот Рафах во јужниот дел на Појасот Газа.
Тоа беше третпат 15-члената судска комисија да издаде прелиминарни наредби со цел да ги спречи израелските напади и хуманитарната криза во Појасот Газа.
Засега Израел не ги почитува наредбите на меѓународниот суд.