Последните денови, вниманието на медиумите беше насочено кон помладата сестра на Бритни Спирс, Џејми Лин Спирс. Фановите на пејачката ја нападнаа затоа што таа не рекламиралаза ова време, ниту пак се обидела да ја брани својата сестра ниту еден момент.
Да потсетиме, Бритни Спирс моментално води битка на животот. По 13 години под старателство на нејзиниот татко, пејачката се обидува да ја врати контролата над сопствениот живот, но и над парите.
View this post on Instagram
Џејми конечно се огласи на Инстаграм и се обиде да стави крај на шпекулациите и да негира одредени обвинувања.
Прво, таа во емотивна видео порака рече „дека не сака ништо друго освен среќа за нејзината сестра“ и дека е секогаш со неа и дека секогаш ќе ја поддржува.
– Се оддалечив од деловните потези на Бритни одамна. Бев зафатена со работа на сопствената кариера, но секогаш ја поддржував – изјави Џејми.
Имајќи предвид дека многумина пишуваа и дека таа профитирала од богатството на пејачката, кое во моментов се проценува на 60 милиони долари, таа се осврна и на овие обвинувања.
View this post on Instagram
– Ги плаќам сметките од мојата десетта година. Не е дека и должам нешто на јавноста, бидејќи сестра ми знае дека ја сакам и ја поддржувам … Јас не сум моето семејство. Јас сум јас. И зборувам во мое лично име – објасни таа.
„Можеби не ја поддржував на начин на кој јавноста би посакала, со хаштаг на јавна платформа, но можам да ве уверам дека ја поддржувам сестра ми многу пред постоењето на хаштагот и дека ќе ја поддржам долго потоа“, продолжи Џејми.
– Единствената причина што не зборував беше тоа што чувствував дека сè додека сестра ми не е во можност да зборува од свое име и да го кажува она што чувствува дека треба да го каже во јавноста, не останува на мене да зборувам. Но, сега кога зборуваше и откри сè многу јасно, мислам дека можам да го следам нејзиниот пример и да го кажам она што се чувствувам да го кажам – чувствувам дека е крајно јасно дека од денот кога сум родена, ја сакам, обожавам и ја поддржувам мојата сестра. Мислам, ова е мојата чудна голема сестра“, продолжи Џејми.
View this post on Instagram
– Не ми е гајле дали сака да избега во дождовната шума и да роди илјада бебиња среде никаде, или сака да се врати и да управува со светот како што тоа го правеше многу пати, затоа што не можам да се мешам, не можам да добијам или изгубам ништо.
– Ја поддржувам сестра ми сто проценти, ја сакам и тоа секогаш било и ќе биде. Сè додека е среќна. Па да продолжиме да се молиме. Тоа е сè – рече таа како заклучок.
По минатонеделното сослушување на кое побара 13-годишното старателство да престане, Бритни одлета на Хаваите со своето момче Сем Азгари.
И, останува да видиме што ќе се случи со тој случај, иако е повеќе од јасно дека Бритни овојпат има силна поддршка и дека нејзиниот татко овојпат нема да може толку лесно да го прави она што го сака.
View this post on Instagram