Јапонската принцеза Јурико, најстариот член на царското семејство и сопруга на братот на императорот Хирохито, почина денеска во Токио на 101-годишна возраст.
Нејзиното здравје неодамна се влоши, а причината за смртта не е објавена, иако јапонските медиуми пишуваат дека принцезата починала од пневмонија, пренесе АП.
Јурико е родена во 1923 година како аристократ, а на 18-годишна возраст се омажила за принцот Микаса, помлад брат на императорот Хирохито и вујко на сегашниот император Нарухито, неколку месеци пред почетокот на Втората светска војна.
За време на војната, Јурико живеела во засолниште со нејзиниот сопруг и нивната мала ќерка, откако нивниот дом бил уништен во американското бомбардирање на Токио во 1945 година.
Јурико одгледа пет деца и го надживеа својот сопруг, принцот Микаса, како и сите три сина.
Нејзината смрт го намалува бројот на членовите на јапонското царско семејство на само 16, вклучувајќи четири машки членови.
Најмладиот машки член на царското семејство, принцот Хисахито, внук на императорот Нарухито, моментално е последниот престолонаследник, што е голем проблем за системот кој не дозволува царицата да владее.
Според Законот за царска куќа од 1947 година, само мажите можат да ја добијат титулата император, а жените кои се омажиле за обичните луѓе го губат својот царски статус.