Гризелда Бланко била кралицата на кокаинот која ширела страв и трепет во подземјето во Мајами и за која сѐ уште се вели дека била посурова од нарко босот Пабло Ескобар.
На патот кон парите и власта не поштедила никого, па ни синот.
Позната како Ла Мадрина, колумбиската нарко – кралица Гризелда Бланко велгла во трговијата со кокаин во раните 1970-ти – кога младиот Пабло Ескобар сè уште само крадел автомобили.
Не се знае точно колку биле блиски двајцата, но се вели дека таа му го трасирала патот. Некои веруваат дека Ескобар бил нејзин штитеник. Сепак, други велат дека биле лути ривали.
Крвави дијаманти
Сепак, добро е познато дека суровата Гризелда Бланко првпат се стекнала со име како трговец со луѓе во 1970-тите. А потоа во 1980-тите таа станала главен играч во војните за дрога во Мајами. За време на нејзиното владеење на терор, таа добила безброј непријатели низ Колумбија и САД. И таа направила се за да ги елиминира.
Од трговски центри, до убијци со мотоцикли (метод што таа го смислила) до упади во куќи, Гризелда Бланко била официјално одговорна за најмалку 200 убиства – и потенцијално повеќе од 2.000.
„Луѓето толку се плашеа од неа што нејзината репутација и претходеше каде и да одеше. Гризелда беше полоша од сите мажи вклучени во трговијата со дрога“, вели Нелсон Абреу, поранешен детектив за убиства.
Од друга страна, таа уживала во прекрасниот накит, имала вила во Мајами Бич, дијаманти купени од првата дама на Аргентина Ева Перон и богатство од милијарди.
Темно детство
Родена во 1943 година, Гризелда Бланко рано ја започнала својата криминална кариера. Кога имала само 11 години, таа наводно киднапирала десетгодишно момче, а потоа го застрелала и го убила бидејќи неговите родители не платиле откуп. Поради физичко малтретирање дома, Гризелда набрзо завршила на улиците на Меделин, каде што преживеала берејќи и продавајќи го своето тело.
На 13 години почувствувала што се всушност парите од криминал. Потоа го запознала нејзиниот иден сопруг Карлос Трухиљо, шверцер на имигранти во САД.
Иако заедно имале три сина, нивниот брак не траел. Бланко подоцна го убила Трухиљо, кој е првиот од нејзините тројца сопрузи кој завршил брутално.
Црна вдовица
Нејзиниот втор сопруг, Алберто Браво, ја запознал Гризелда со трговијата со кокаин. Во раните 1970-ти, тие се преселиле во Квинс, Њујорк, каде што нивниот бизнис експлодирал.
Тогаш Бланко станала позната како Ла Мадрина или кума. Во меѓувреме открила неверојатен начин на шверц на кокаин во Њујорк – натерала млади жени да летаат со авион со кокаин скриен во градници и долна облека, кој Гризелда го дизајнирала специјално за таа цел.
Потоа, во 1975 година, Бланко и Брава биле уапсини од ДЕА, но таа успеала да побегне во Колумбија. Таму, таа наводно го убила Брава во пукање што резултирало со исчезнување на милиони.
По смртта на вториот сопруг, Гризелда Бланко доби нова титула – Црна вдовица. Во исто време, таа добила целосна контрола над нејзината империја на дрога.
Водела бизнис од Колумбија и испраќала кокаин во САД. Во 1978 година, таа се омажила за сопругот број три, ограбувач на банка по име Дарио Сепулведа. Истата година се родил нејзиниот четврти син – Мајкл Корлеоне, исто како и Ал Пачино од Кум.
Кога се населила во Мајами, насекаде околу неа владеел луксуз. Куќи, скапи автомобили, приватен авион – таа имала се. Ништо не било забрането.
Таа била домаќин на бујните забави на кои присуствувале сите главни играчи во светот на дрогата. Се шпекулираше дека под закана со оружје принудувала мажи и жени на секс со неа. Се шпекулираше и дека таа се повеќе потпаѓала под дејство на дрога и станувала параноична. Во сето ова се подготвувала војна против нарко бандите во Мајами.
Убивала без прашање
Други криминалци во тоа време убивале со умисла. Прво проверувале, па убивале. Бланко прво ќе убиела, па ќе речела – тој беше невин, штета, но сега е мртов. Таа елиминирала се и со најмала причина.
Меѓу оние кои страдале поради неа бил и третиот сопруг Сепулвед. Го киднапирал нивниот син Мајкл и го однел во Колумбија. Но, Мадрина испратила атентатори врз него и тие го застрелале пред очите на нивниот мал син.
На врвот на нејзината моќ во 1980-тите, Гризелда Бланко надгледувала организација вредна милијарда долари која транспортирала над 1.500 килограми кокаин во САД месечно.
Потоа, за да се извлече од епицентарот на опасните настани, во 1984 година се преселила во Калифорнија. Таму ДЕА ја уапсила во 1985 година. Таа имала 42 години. Таа подоцна била осудена на речиси 20 години затвор за трговија со дрога.
Меѓутоа, во затвор го нашла својот љубовник Чарлс Козби, преку кој од затвор го продолжила својот бизнис.
Во 1992 година, луѓето на Пабло Ескобар го убиле Освалд, најстариот син на Гризелда.
Таа добила уште еден тежок удар кога нејзиниот главен убиец станал клучен сведок во судскиот процес против неа, но тој сепак бил дискредитиран како веродостоен сведок. Гризелда ја избегнала смртната казна и во 2004 година била ослободена и испратена во Колумбија.
Осум години подоцна била застрелана пред месарница во Меделин, на мотор. Настрадала од суров метод што самата го започнала.
Никогаш не се знаело кој точно го наредил нејзиното убиство, бидејќи едноставно имало толку многу што ја сакале нејзината смрт.