Украинскиот извоз на жито достигна 2,56 милиони метрички тони во тековната сезона, која започна во јули 2023 година и завршува во јуни 2024 година, додека во истиот период минатата сезона беше 2 милиони тони, според податоците објавени денеска од украинското Министерство за земјоделство.
Вкупно од Украина се извезени 1,27 милиони тони пченка, 977.000 тони пченица и 329.000 тони јачмен.
Инаку, во целата претходна сезона 2022/2023 година. извозот достигна вкупно речиси 49 милиони тони, надминувајќи 48,4 милиони тони од претходната сезона.
Најголемиот дел од извозот беше направен преку пристаништата на Црното Море, благодарение на договорот постигнат со посредство на Обединетите нации и Турција во јули минатата година, во обид да се реши светската криза со храна, влошена со руската инвазија на Украина и блокадата на украинските пристаништа.
Русија остави важен договор
Сепак, Русија го напушти договорот на 17 јули оваа година, откако изјави дека нејзините барања за ублажување на санкциите за извозот на жито и ѓубрива не се исполнети.
Москва, исто така, се пожали дека недоволно жито стигнало до сиромашните земји. Украинскиот извоз беше погоден од ваквата одлука на Русија, но министерството не даде податоци за интензитетот на извозот откако договорот пропадна.
До војната, Украина беше главен светски производител и извозник на жито, но нејзиното производство на жито падна на околу 53 милиони тони во календарската 2022 година, во споредба со рекордните 86 милиони тони во 2021 година.
Украинското министерство објави дека овогодинешната жетва на жито би можела да биде околу 46 милиони тони жито.