Организацијата за исламска соработка (ОИЦ) остро го осуди убиството на тројца Палестинци на окупираниот Западен Брег од страна на израелските сили, јавува Анадолија.
Во соопштението на ОИК е опишано пукањето и убиството на тројца Палестинци во возило во близина на Џенин на Западниот Брег како „ужасно злосторство“.
Нападите на фанатичните еврејски доселенички криминални банди врз Палестинците и нивната територија на Западниот Брег се исто така осудени.
Во соопштението се наведува дека Израел е одговорен за последиците од континуираните напади врз Палестинците, а упатен е и апел до меѓународната заедница да ги спречи израелските злосторства на палестинските територии.
Западниот Брег е место на чести рации на израелската армија
Израелската армија отвори оган и уби тројца палестински млади во близина на градот Араб на окупираниот Западен Брег.
Палестинското Министерство за здравство соопшти дека инцидентот се случил доцна синоќа.
Од друга страна, израелската армија објави дека нејзините сили елиминирале „вооружена ќелија“ во областа Џенин на северот на Западниот Брег.
Инцидентот се случил неколку часа по убиството на полицаец во Тел Авив. Израелските сили го убиле осомничениот за тој напад.
Од почетокот на оваа година, окупираниот Западен Брег е место на чести рации на израелската армија за апсење на „барани“ Палестинци.