Израел остро ги критикуваше обидите на Обединетите нации да ги „изедначат своите акции во Газа“ со она што го направи „терористичката група Хамас“, инсистирајќи на тоа дека меѓународното право „не е пакт за самоубиство“, објави денеска „Тајмс оф Израел“.
„Доколку државата не може да се одбрани или биде критикувана дека го прави тоа во согласност со меѓународното право, неизбежно е терористичките организации да се охрабрат да продолжат со своите акции, бидејќи веруваат во континуирана меѓународна поддршка“, рече израелската амбасадорка во Обединетите нации и меѓународни организации во Женева, Меирав Елион Шахар.
Шахар се осврна и на Иран на платформата X, по презентацијата на иранскиот министер за надворешни работи во Женева, кој зборуваше за хуманитарната ситуација во Газа, дека Техеран нема место во Газа, но дека тоа е дел од проблемот, а не решението, пренесува Танјуг.