Најмалку пет лица загинаа во израелски воздушен напад врз градот Тубас, на окупираниот Западен Брег, соопшти денеска палестинската Црвена полумесечина.
Loading...
Спасувачките екипи ги извлекле телата на убиените, кои потоа се префрлени во болница, јавува палестинската новинска агенција Вафа.
Се додава дека израелските сили опколиле болница во северната периферија на Тубас, затворајќи ги околните патишта и спречувајќи амбулантни возила да стигнат до неа.
Локалните извори објавија дека израелските војници упаднале во градот Тамун, југоисточно од Тубас, како и во два бегалски кампа во Тулкарем, при што во вторникот загинале двајца Палестинци, а десетици се ранети.