Израелските одбранбени сили (ИДФ) денес објавија дека започнале бран воздушни напади врз инфраструктурата на проиранското милитантно движење Хезболах во јужните предградија на Бејрут.
Видео објавено на платформата X од Lebanon News покажува серија гласни експлозии на приземјето од зграда и густ чад што се шири на улица каде што во тој момент имало минувачи.
ИДФ претходно денес предупреди дека ќе ги таргетира филијалите на здружението Ал Кард ал-Хасан, за кое, според нив, е познато дека Хезболах го користи како квази-банка, објавува Times of Israel.
Портпаролот на ИДФ, полковник Авихаи Адреи, изјави дека ИДФ ќе дејствува против „терористичката инфраструктура што му припаѓа на Ал Кард ал-Хасан, која е централен елемент во финансирањето на активностите на терористичката организација Хезболах и нанесувањето штета на либанската економија во служба на иранските интереси“.
Жителите на јужните предградија на Бејрут беа повикани да се евакуираат според претходно објавените рути за евакуација, објавува Танјуг.
#WATCH: An air strike hit Beirut’s southern suburbs on Monday, Lebanese state media reported, sending large plumes of smoke over the area. pic.twitter.com/2Ux08ELXDx
— Arab News (@arabnews) March 9, 2026