Израелската војска соопшти дека е „подготвена за секое сценарио“ по нападот во Бејрут во кој загина заменик-шефот на Хамас, што ги зголеми стравувањата дека војната во Појасот Газа може да ескалира во поширок регионален конфликт.
Висок функционер за безбедност во Либан изјави за АФП дека Салех ал-Арури бил убиен заедно со неговите телохранители во напад на Израел, кој вети дека ќе го уништи Хамас по шокантните напади на движењето на 7 октомври.
Друг безбедносен претставник ја потврди информацијата, додека ТВ Хамас исто така објави дека Израел го убил Арури во Либан.
Портпаролот на армијата Даниел Хагари не го коментираше директно убиството, но потоа рече дека армијата е во „многу висока готовност на сите арени, дефанзивно и офанзивно“.
– Ние сме многу подготвени за секое сценарио, рече тој.
Израел претходно објави дека во Газа загинале команданти и функционери на Хамас за време на војната, но Аури е најистакнатата убиена личност, неговата смрт доаѓа во првиот напад врз либанската престолнина од почетокот на непријателствата.
Ударот ги зголемува стравувањата дека речиси тримесечната војна меѓу Израел и Хамас може да стане поширок регионален пожар.
Хамас рече дека смртта на Аури нема да доведе до негов пораз, додека неговиот сојузник Хезболах со седиште во Либан вети дека убиството нема да помине неказнето, нарекувајќи го „сериозен напад врз Либан… и опасен развој“.
Либанскиот премиер Наџиб Микати го осуди убиството и рече дека „целта е да се вовлече Либан понатаму“ во војната.
Арурија, кој живеел во егзил, е обвинет од Израел дека организирал бројни напади.