Израел денеска објави список од 300 Палестинци кои би можеле да бидат ослободени, во согласност со договорот меѓу Израел и Хамас.
Списокот, објавен на веб-страницата на израелското Министерство за правда, ги вклучува имињата, возраста и кривичните дела на оние кои се подобни за ослободување, јавува Би-Би-Си.
На гласање без преседан утринава, израелската влада го одобри договорот со кој се обезбедува ослободување на околу 50 заложници киднапирани од Хамас за време на терористичкиот напад на 7 октомври.
Во владиното соопштение во кое се објавуваат резултатите од гласањето не е прецизирано како гласале министрите, но и покрај претходното противење на договорот, екстремно десничарската партија Религиозен ционизам гласаше „за“, а само членовите на ултранационалистичката фракција Озма Јехуди од Националната Министерот за безбедност Итамар Бен Гвир гласаше против, објави Тајмс оф Израел претходно денеска.
Сите детали од договорот не се официјално објавени во јавноста, но неименуван израелски владин функционер на брифинг со новинарите рече дека се очекува со договорот да бидат ослободени 50 израелски граѓани, главно жени и деца, во групи од 12 до 13 лица луѓе дневно.