Израелската армија во четврток соопшти дека нападнала неколку цели во Либан, вклучувајќи ги и позициите на Хезболах на југот од земјата.
Израелската војска соопшти дека погодила складиште за оружје на Хезболах на југот од земјата, како и дополнителна „терористичка инфраструктура“ што се користи за извршување напади врз вооружените сили на Израел и државата.
Во вториот напад, според тврдењата, погодено е подземно складиште за оружје, пренесува ДПА.
Активностите на Хезболах на споменатите локации претставуваат кршење на договорот за прекин на огнот меѓу Израел и тоа движење, според соопштението на израелската армија.
Жителите на околните области пријавиле силни експлозии, а либанските безбедносни сили ѝ кажале на германската агенција дека израелските воздухопловни сили извршиле најмалку два напади. Досега нема извештаи за жртви.
Како дел од договорот меѓу Израел и Хезболах, кој е во сила од ноември 2024 година, либанското движење мора да се разоружа.
Клучниот рок за разоружување, кој е задолжен од либанската армија, истече на крајот на декември.
Израел го обвинува Хезболах дека се обидува да се прегрупира и вооружи, поради што неговата армија речиси секојдневно напаѓа територија на својот северен сосед.
Според либанските власти, повеќе од 300 луѓе се убиени во Либан откако стапи на сила прекинот на огнот. Обединетите нации објавија дека се убиени повеќе од сто цивили.