Излезните анкети во Израел покажуваат дека десничарскиот блок предводен од поранешниот премиер Бенјамин Нетанјаху на изборите освоил 62 места во израелскиот парламент, што е доволно за формирање влада, јавува Анадолија.
По завршувањето на гласачкиот процес во 22 часот, по локално време, на петтите предвремени општи избори одржани во земјава во последните три и пол години, објавени се излезните анкети.
Според првите резултати што ги објави Канал 13, десничарскиот блок, за кој се смета дека сигурно ќе ја поддржи партијата Ликуд на Нетанјаху, освои мнозинство од 62 членови во израелскиот Кнесет со 120 места.
Според истите резултати, Ликуд на Нетанјаху е победник на денешните избори со најмногу (31) освоен пратенички мандат.
Партијата на Ганц на четврто место
Екстремно десничарската Верска ционистичка партија, која исто така е во блокот предводен од Нетанјаху, освои 15, ултраортодоксната Шас освои 10, а партијата Обединета Тора освои пет.
Од друга страна, во блокот Коалиција за промени предводен од Лапид, Партијата за национално единство на Бени Ганц ги заврши изборите на четвртото место и освои 12 претставници во Кнесетот.
Израел нашиот дом, Лабуристичката партија и Обединетата листа на партии на палестинските граѓани на Израел освоија по пет места, а Мерец, левичарска партија во истиот блок, освои четири места.
Партиите во Коалицијата за промени предводена од Лапид освоија вкупно 54 пратенички места.
Листата на Обединетата партија на палестинските граѓани на Израел, која одби место во двата блока, освои четири места.
Голем одѕив
Првите податоци покажуваат дека под изборниот праг останале арапската партија Белед и партијата на десничарскиот политичар Ајалет Шакед, која е во блокот против Нетанјаху.
Се вели дека доколку дојде до промена на двете пратенички места по објавувањето на официјалните резултати, може да биде загрозена способноста на блокот на Нетанјаху да формира влада.
Централната изборна комисија соопшти дека до 20 часот (18:00 часот по Гринич) одѕивот на гласачите бил 66,3 отсто, односно гласале речиси 4,5 милиони гласачи.
Наведува дека ова е најголема излезност на општите избори од 1999 година.
Право на глас на изборите имаа околу 6,7 милиони гласачи.