Ивана Трамп почина на 73-годишна возраст откако беше пронајдена „онесвестена и без реакција“ во нејзиниот дом во Њујорк, неколку часа пред терминот во фризерски салон.
Службениците за итни случаи и истражителите ја пронашле Ивана Трамп на дното од скалите во нејзиниот дом на Менхетен, нешто пред 13 часот во четврток.
Официјалната причина за смртта сѐ уште не е потврдена, а според американските медиуми, полицијата одговорила на повик за лице со срцев удар во 12 часот и 40 минути.
„Тоа беше многу тажен ден, многу тажен ден“, рече Ерик Трамп додека го напушташе домот на неговата мајка.
Ивана ги помина последните денови подготвувајќи се за долгоочекуваното патување во Сент Тропе во петокот и планирала да го посети својот фризер на денот кога беше пронајдена мртва, изјави вработен во салонот за DailyMail.com.
Веста за смртта на Ивана прв ја сподели нејзиниот поранешен сопруг, поранешниот претседател Доналд Трамп.
„Со голема тага ги информирам сите оние кои ја сакаа, а ги има многу, дека Ивана Трамп почина во својот дом во Њујорк“, напиша тој.
Трамп има три деца со поранешната сопруга, со која се ожени во 1977 година, а се разведе во 1992 година.