Двајца возачи загинаа, а 25 мигранти и бегалци се повредени рано утринава во Италија кога автобусот со кој се превезувале директно се судрил со тешко товарно возило на автопатот А1 северно од Рим.
Loading...
Некои од патниците се тешко повредени, а двајцата возачи на автобус кои загинаа во несреќата се вработени во компанијата Pati Tour со седиште во сицилијанскиот град Фавара и имаат 35 и 32 години, јавува Анса.
Несреќата се случила околу 2:30 часот по локално време, кога група од околу 50 мигранти и бегалци, кои пристигнаа по море во Лампедуза во последните денови, беа префрлени од Порто Емпедоклес на Сицилија во прифатни објекти во северниот регион Пиемонт, јавува АНСА.
Повеќе детали засега не се познати, пренесува Танјуг.