Жена која е љубоморна на убавиот брак на нејзиниот брат, направила профил на социјалните мрежи со цел да најде „уништувач на бракот“ кој ќе ја убеди снаата да го изневери сопругот.
Жената на својот профил објави видео од нејзиниот брат и неговата сопруга со опис на точно она што го бара.
“Мојот брат и неговата глупава сопруга, кои се наоѓаат на фотографиите, имаат одличен брак и го туркаат под носот на сите. Но, јас барам човек кој ќе се вмеша во нивниот брак и ќе ја натера снаата да има афера. Испрати ми порака и објасни ми зошто би бил добар кандидат “, напишала таа на својот профил.
Нејзиниот профил беше бргу споделен на другите социјални мрежи, каде собра многу реакции, а многумина во коментарите беа згрозени од нејзината „ѕверска“ идеја.
„Замислете дека ве мачи туѓа среќа“, напиша еден коментатор, додека друг советуваше: „Наместо ова ср*ње што планирате да му го направите на својот брат, обидете се да ја насочите својата енергија да запознаете некого за себе“.
