Ирис Апфел е позната модна икона и декоратор на ентериер, а денес со стил го прославува својот 100 -ти роденден. „Повеќе е повеќе, а помалку е здодевно“ е мотото по кое Ирис се водела цел живот и по која всушност е позната.
И покрај напредната возраст, Ирис се уште ужива во светот на модата и наоѓа начини да го изрази својот стил и да ги инспирира другите да го сторат истото. Едно време, Ирис истакна дека нејзиниот стил и мода ја фасцинирале од рана возраст.
– Како дете, сакав да посетувам бутици, а мојата најголема опсесија беше шарените работи. Со часови можев фасцинирано да зјапам во прекрасната гардероба – рекла Ирис.
Во шеесеттите години, минатиот век, Ирис стана позната како дизајнер на ентериер, и по неколку години работа, отвори компанија за производство на ткаенина. Таа ја основа компанијата со нејзиниот покоен сопруг, за кого постојано истакнуваше дека таа е и љубовта на нејзиниот живот и единствената личност која ја разбира и поддржува во се.
Нејзиниот уникатен стил го нарушија луѓето од најголемите модни куќи, како што се: Шанел, Диор, Долче и Габана, па затоа го доби прекарот „прва дама на текстил“.
Во 2005 година, нејзиниот ексцентричен и шарен стил стана предмет на голема изложба во Метрополитен музејот на уметност во Њујорк. Од тој ден, влијанието на Ирис само се зголеми, а сега има дури 1,7 милиони следбеници на социјалната мрежа Инстаграм.
– Никогаш не планирав што ќе правам понатаму во животот, работите се средија сами – рекла Ирис, очигледно спонтана личност заљубена во боите, животот и креативноста.
Нејзиниот позитивен и весел лик е отворен за се што е ново и креативно, и токму затоа таа е икона на денешницата.
Таа е позната по големите очила што ги носи скоро секогаш, накитот, но и по препознатливата роза во корална боја која одлично и прилега, а таа постојано истакнуваше дека не е важно што носиш, туку како го носиш.
– Стилот не е скапа облека. Може да имате планина од пари, да носите најскапи фустани и работи и да немате стил. Не е важно што ќе облечете, туку како ќе го облечете – истакна Ирис.
