Иранската разузнавачка служба објави дека за време на обемна безбедносна операција, открила и уништила десетици опозициски ќелии и уапсила четири лица осомничени за шпионажа за САД, објави новинската агенција Тасним.
Според официјалното соопштение, вкупно 111 лица биле идентификувани и уапсени во 26 провинции во текот на една ноќ.
Министерството, исто така, наведува дека во таа прилика е запленета „значајна количина“ оружје.
„Четири шпиони на американскиот режим и неговите посреднички служби во провинциите Хамадан и Западен Азербејџан, исто така, беа идентификувани и уапсени“, се вели во соопштението.
Иранските власти тврдат дека уапсените собирале и пренесувале чувствителни информации, вклучувајќи ги локациите на штабовите, опремата и распоредувањето на безбедносните сили.
„Тие предавници му дале на непријателот информации за позициите на штабовите, опремата и распоредувањето на безбедносните сили“, вели Министерството.