Медиумите во Иран денес објавија, повикувајќи се на сателитски снимки, дека земјата уништила неколку американски радари во Обединетите Арапски Емирати и Јордан.
Снимката направена на 2 март ги прикажува остатоците од радарот THAAD во воздухопловната база Мувафак Салти во Јордан, која се наоѓа на околу 800 километри од Иран, објави Иран Прес ТВ.
Слична штета е откриена и во Обединетите Арапски Емирати.
Се додава дека радарската инфраструктура во близина на Руваис и Садер била погодена – помеѓу 28 февруари и 1 март – најмалку три објекти во Руваис и четири во Садер претрпеле видлива штета, вклучувајќи ги и хангарите за возила што обично се користат за складирање на радарски системи поврзани со батериите THAAD, кои се неопходни за пресретнување на ракети.
Иранскиот корпус на Исламската револуционерна гарда (IRGC) претходно објави дека повеќе од седум такви радари се уништени, јавува Танјуг.